Cose l'ea un leudo

In barco bello ma strano e da camin,

costruio in legno e o l'ea marin,

o ghe avviva a coverta alluna

e ghe voiva ìn bon maina pe savéighe cammina

o gh'aveiva solo ìn torto:

de aveighe l'erbo storto.

 

O barometro e a buscioa i l'ean i strumenti

i dui soli, de bordo, a quelli tempi

ché se no se orìentavimo co-e stelle

de vidue o ghe ne saiae stou de belle,

e un stipetto a gh'ea in'arbanella.

 

De baxaicò, conserva, peive, sa e cannella;

a giarretta de l'euio, un cestin con cioule,

aggio e patate, faxeu secchi

stocchefiscio, baccalà, fain-a, riso e spaghetti;

un sacco de galletta

de sardo una formaggetta,

una bariletta de vin (ch'o no l'ea bonarda)

e pe l'aegua o gh'èa a benarda.

Il Meteo

Visite

241149
OggiOggi3
IeriIeri40
This_WeekThis_Week329
This_MonthThis_Month821
TotaleTotale241149